論與其他品牌間的合作，Puma一定冇Nike般強，但亦保持長出長有。大家應還記得PumaxJilSander的系列吧，雖然仍有推出，但驚喜已不及當年。另一邊廂，同為Puma的合作品牌就驚喜不絕，不得不佩服日籍設計師MiharaYasuhiro（三原康裕）的頭腦，其作品令Puma擺脫一貫的經典運動形象。今季的主題為“OutOfSports,OutOfFashion”，以兒時的玩具箱（TheClassicToyBox）作為設計的大前提，Mihara的驚喜又再一次出現。（月中推出）
記者：李崗華
攝影：楊錦文
據Mihara講，每對鞋都以玩具為設計的出發點，所以每對鞋都會附上玩具怪獸公仔一隻，不過呢隻玩具有無緣出現於香港都係未知之數，因為香港代理與日本方面尚在商討當中，但在日本買就一定有得送。如果無，香港代理真係抵打。
MY-13的概念來自未來的機械人玩具，所以鞋形比其他同系列的更具科幻感。特色之處係鞋踭用上有角的TPU倒模，令整對鞋看似機械人的模樣，另外鞋身的搭帶一直伸延至鞋底，成為一大特色。
於今季三對鞋當中，小弟覺得MY-9係最適合女生穿着，壓蛇皮紋的鞋面，再配以其特別的物料，形成鞋身閃亮，加上鞋形修長，襯短裙或長褲一樣好睇。
男孩子童年時一定玩過賽車遊戲機，Mihara亦係一樣，而MY-12就係Mihara對賽車遊戲的一種回味。鞋款有點像Puma的Sparco，但多了點花生味，尤其是配色方面比較大膽，再加上漆皮的鞋面，着上街一定高收視。
於遊戲世界之中，有機械人就必定有怪獸，Mihara亦所以將怪獸元素放入今季的系列之中，更為每隻怪獸取名。怪獸其實在日本隨鞋附送（暫時香港未知會否附送），它們並非裝飾之用，每隻怪獸內的底部都附有一檀香木，用以放入鞋中，保持鞋冇臭味，認真有噱頭之餘，又夠實用。
出生於日本西部的九州，94年日本多摩美術大學畢業，在學時已開始設計和製作鞋。於97年開始生產以自己為名的鞋品牌。98年，他在東京Aoyama開設第一間專門店SOSU。於鞋市場建立穩固的地位後，同年，Mihara決定擴闊創作領域，開始設計男女時裝產品。00年Mihara在事業上獲得了重大的進展，首次與Puma合作，推出他的首個男裝系列，及後更被業界譽為走在時代尖端的日本設計師。
售賣點：Joyce、LaneCrawford、Swank
查詢：29909122