港進聯飛天豬告別立法會，日後重有冇機會喺香港政治舞台立足都係未知之數，佢為人樂觀，相信唔會就此收山，佢同八方講喺中環立法會大樓出入多年，呢次唔參選最懷念嘅係個停車場，事關中環泊車難，立法會個停車場位處香港心臟地帶，真係方便到極，加上有醒目保安睇場，有時落車唔記得鎖車都唔驚出事。
做咗議員九年，飛天豬有乜政績，八方真係冇乜印象，只記得佢係保皇黨台柱之一，另外喺每年議員記者同樂日，飛天豬例必扮鬼扮馬與眾同樂，喺呢方面佢比好多議員出色，飛天豬謙稱呢啲不過係雕蟲小技，佢話多年來喺其他議員同官員身上學到嘅嘢，重堅過攞兩個哈佛大學學位。老實講，佢收嘅議員薪津金額，真係唔止去哈佛讀兩個學位㗎。
（圖）飛天豬唔再參選，話最懷念立法會個停車場喎。
傳真︰2623-9278
電郵︰