工聯會嘅陳婉嫻真係實力派，九龍東多咗個彩虹戰士鄭大班空降落嚟，佢阿姐都面不改容，八方聽聞最新數字顯示，嫻姐嘅鐵票穩如泰山，到目前為止重未溜走。
唔怪得佢阿姐接受訪問時，信心十足話佢加埋陳鑑林條隊，仍然想摘下金、銀、銅三個議席。嫻姐想以不變應萬變，不過大班效應不容忽視，佢阿哥起步遲，但會急起直追，希望喺投票前每個區都去晒。
今次大班空降，民主派首當其衝，已經不再參選嘅華叔竟然係最勤力嘅一位，因為佢要保住民主黨嘅多年根基，肥仔明入圍易，胡志偉就要靠谷，至於另一位空降新丁梁家傑大狀，八方都開始為佢擔心。梁家傑本來好穩陣，但佢同大班都係靠知名度空降，難免會搶同一批人嘅票。
傳真︰2623-9278
電郵︰