容祖兒（Joey）的祖母林慧貞是葵興邨業主立案法團主席，早前被指帳目不清，遭邨民抗議，她昨日主動聯絡本報加以澄清此事。林慧貞昨日更哭訴表示擔心報道會影響Joey的聲譽。
容祖兒祖母林慧貞是葵興邨業主立案法團主席，日前在出席業主立案法團會議時，遭約八十名邨民抗議，指她帳目不清和不明何以可當選。林慧貞昨日主動聯絡本報，連同該業主立案法團委員和葵青區區議員梁志成出面澄清，林慧貞因擔心報道會影響孫女Joey，所以在說話時很激動，更一度哭起來。
林慧貞否認帳目不清，她說：「我當選時有房屋署、民政事務署代表同律師做見證，至於帳目問題，過去十四個月以嚟，每個月都有十一萬盈餘，至今有二千五百萬儲備，帳目冇唔清楚，我歡迎大家嚟查帳。」
林慧貞不滿事件牽涉到孫女Joey，她哭訴：「咁樣好唔公道，我做嫲嫲點向個孫女交代？啲人借孫女嚟打擊我，嫲嫲冇借佢過橋，亦冇同人有過節。Joey喺屋邨出世，好多人都識佢，呢一、兩年都冇返嚟，佢好忙。Joey好純好乖，我母親八十幾歲，有骨質疏鬆症，Joey都話要買輪椅畀佢。」
林慧貞又表示稍後會致電給Joey媽咪，問到林慧貞會否擔心攻擊她的人會對Joey不利，她說：「唔係我控制之內，清者自清，我唔想Joey聲譽受損。」
此外，Joey前晚在屯門拍攝無綫劇集《赤沙印記＠四葉草.2》，她扮演一名吉卜賽女郎，她說：「呢一身打扮係我自己設計，全部喺尖沙嘴買，都唔使一千蚊。」問到Joey是否「倒貼」拍劇，她說：「冇所謂，啲衫可以着得番。」
Joey又表示曾玩過塔羅牌，指她的事業不好，她說：「我唔信，我覺得占卜同碟仙都唔可信。」
Joey指房祖名最愛跟人討論星座，她說：「祖名好似一個神婆，不過我分析過身邊嘅朋友，發現人馬座、獅子座同處女座嘅人同我都好啱。」
採訪：楊潔雯、魯萍
攝影：陳偉權
