增值空間：資助年尾閂閘
趕搭職業英語尾班車

再唔報就執輸！政府自2000年推行的「職業英語培訓資助計劃」將於年尾結束，只要你係非公務員嘅在職人士，就有資格申請高達$4,500的資助。作為一個醒目打工仔，一於把握僅餘時間趕搭資助尾班車，為自己同公司增值之餘，重可以幫荷包慳錢！

記者︰陳漢威
攝影︰楊錦文

Case1
PRRicky
進修同外籍客溝通
會考英文只獲D級普通成績，對任職PR的Ricky來說似乎並不足夠。「公司有好多外籍客戶經常來往內地，提升自己嘅英文水平，咁就可以解釋好多內地嘅情況同形勢畀客知。」加上身邊有朋友在考獲Pitman高級證書後，人工即加$500！為獲老闆認同，Ricky在一年前考獲BEC的初級證書。現打算繼續報讀BEC的高級證書，並申請職業英語培訓資助，「呢個已經係最後機會，再唔報名嘅話就嚟唔切申請，到時就要自己攞錢出嚟讀書同考試。」

Case2
秘書Eva實用英語增效率
作為IVE的秘書文憑畢業生，Eva雖能學以致用，但可能由於會考英文科僅得E級成績，英語基礎欠穩，工作上無論書寫文件或與外籍人士溝通，都遇上不少困難，便萌起進修英語的念頭。「年頭讀咗實用英語預備課程，學嘅英文都係圍繞辦公室工作，以前要寫一個鐘嘅Email，𠵱家半個鐘就搞掂，老闆都對我另眼相看。」此外，Eva更考獲LCCI的中級證書，成功獲得計劃的五成資助。「政府嘅資助對我嚟講真係有好大鼓舞，令我踏出英語增值嘅第一步。」

Case3
文員Karen讀商業英語轉好工
預科畢業後Karen一直從事文員工作，兩年間輾轉到過金舖、航運及學校任職，但發展都未如理想。「人工低、又試過俾人裁，真係冇晒信心。」但一年前的商業英語課程改變了她的前途。「做學校書記時已經覺得自己啲英文唔多夠用，睇咗陳慧琳個職業英語廣告後，就去讀EnglishForBusiness，考張LCCI高級證書傍身。」證書顯實力，結果Karen於4個月前獲聘於一間國際貿易公司，並由於表現理想，僱主將三個月的試用期縮減至兩個月，月薪更即時加了一千蚊！

增值首選學實用英語
「香港作為一個國際城市，好多管理階層嘅英語水準都唔足夠。加上愈嚟愈多內地人來港工作競爭，所以一定要提升英語水準作自我增值。」Wilfred身為註冊會計師兼EducationStrategies的執行董事，認為現時香港人最需要學習實用性的英語，務求可以活學活用及誘發興趣，令英語水平盡快提升。

申請知多啲
有心人需自行選擇合適的培訓機構及課程，在課程開始前向職業英語運動辦事處提交申請，並在修畢課程後再取得國際商業英語考試及格，達到職業所需基準，便能獲課程費及考試費的50%資助（上限為$4,500）。截至今年3月底已有超過16,600人完成培訓課程並成功取得資助，總金額超過2,800萬元，而計劃將於年底停止接受申請，要報名就快手！

查詢：26078899/21868800
網址：www.english.gov.hk

課程資料
Ricky的選擇：職業英語證書課程
內容︰社交技巧、電話應對技巧、投訴處理等。完成課程後可參加BEC及LCCIEB。
入學資格︰中五程度
開課︰9月13日
學費︰$4,800（共90小時）

Eva的選擇：實用英語預備課程
內容︰本課程等同中三?中四程度，旨在鞏固學員的英語基礎，讀畢後可參加Pitman及LCCIEB。
入學資格︰StageI須具備中四程度；StageII須完成StageI或具備中五程度。
開課︰9月11日及9月21日
學費：$960（共30小時）

Karen的選擇：商業英語-LevelII
內容︰LCCI倫敦商會認可英語課程，內容包括商業信扎的書寫、電話洽談、商業文稿理解等，修畢後可參加LCCI公開考試。
入學資格：須修畢LevelI或中五程度。
開課︰9月14日
學費：$720（共24小時）

主辦︰香港商業專科學校
查詢︰25781914


其他選擇：ELSA-聆聽及閱讀訓練課程初階
內容︰適合低英語要求行業，如司機、辦公室助理等，課程包括一般商業問候、電話及接待、付款處理、路向指示等。
入學資格：任何程度人士皆可
開課：9月22日至25日
學費︰$1,680（共30小時）

主辦︰香港管理專業協會
查詢︰24485111