許冠傑（阿Sam）前晚繼續在紅館舉行演唱會，廖碧兒和陳小春則任嘉賓。
阿Sam前晚的表演「蝦碌」百出，他除了差點在台上跌倒外，還把長子許懷恩錯認為幼子許懷谷，阿Sam說：「我意亂情迷，連個仔都認錯。」
阿Sam在介紹小春出場時，他說：「佢好似我屋企隻拳師狗，脾氣可能好暴躁，但其實十分可愛，佢儍更更，就係我契仔Jordan（陳小春）。」
小春出場後即為阿Sam抹汗，然後向阿Sam跪拜，他又說：「你唔係神，邊個係神？」
阿Sam即說：「其實我係普通人，你唱好啲唔好衰畀契爺睇。」小春之後招積的回答：「我會唔會衰？阿Sam絕對係一個god，givemepower。」
此外，陳小春、梁詠琪昨日出席港台於將軍澳東港城舉行的「舊書回收」活動，對於有傳謝霆鋒「何Ｂ仔」鑲珠，小春說：「都唔關我事，我紋身都怕痛啦，做乜鑲珠？雙飛人藥水我就聽過。」