「扒王之王」千金李依琳昨日在父親李德麟陪同下，出發往美國三藩市辦理入學手續。李依琳透露上周末大班朋友已為她舉行送別派對，為怕離愁別緒，她叫好友不要前來送機，而前晚她徹夜難眠，好友鄧裕鏗到其家陪她執行李及通宵談心。
李依琳昨日早上與父親李德麟搭飛機往美國三藩市，到入讀的南加州大學報到，李依琳一見記者前來送機即表示心情很sad，她說：「雖然我十二月聖誕節會返嚟，但都好唔捨得，唔捨得屋企人、朋友，同埋屋企隻狗，隻狗已經十一歲，係隻老狗，我唔知十二月返嚟時重見唔見到佢。」
李依琳透露在南加州大學將修讀電影及公關課程，第一年會先入住宿舍，她說：「去到美國第一件事要考個車牌，平平哋買架二手車揸住先。」
昨日見李依琳手上戴了一條橙黃色的手繩，她稱是好友、鄧永鏘之子鄧裕鏗（Edward）所贈，她說：「Edward送畀我呢條繩叫Bhutan，麥當娜（Madonna）同KateMoss都有一條。前晚Edward嚟我屋企陪我執行李同傾偈傾天光。」
而為怕離愁別緒，李依琳表示一早叮囑朋友不要送機，她說：「我班朋友上個周末已經同我喺dragon-i搞咗個farewellparty，嗰晚玩得好開心，個bartender重送咗朵紙玫瑰畀我㖭。」她又表示今次有帶備自己的照片往美國，會嘗試在當地模特兒公司碰運氣，希望課餘兼職做模特兒。
至於李依琳的父親李德麟則表示對女兒有信心，知她不會學壞，他說：「我有告誡佢千祈唔可以掂毒品。」
採訪、攝影：JessicaNgan
