余安安昨日往跑馬地一間生蠔專門店拍攝亞視節目《安安美味約會》，並邀請任達華任嘉賓。余安安說：「我為呢個節目好落力，自己親自請嘉賓，好似梁家輝、甘國亮同楊其龍咁，早前去泰國拍外景，我兩個女重處女出鏡㖭。」余安安又指自己很饞嘴，面對美食難以自制，所以胖了少許。
而任達華昨日抱恙在身，所以無緣享受生蠔，他說：「我試過同琦琦喺法國一口氣食咗五盤生蠔。」問華仔愛吃生蠔是否有其他作用？他說：「你估我係謝霆鋒咩？四卡鑽石好大咩？有冇見過六卡吖？不過我就冇做鑽石同鋼珠嘅朋友啦，其實儍嘅，咁樣做係違反天理，啲皮膚咁靚，點解要傷害佢？」
採訪、攝影：IngridChan