蕭叔因經濟貧乏，長年居無定所，近十多年一直居於朋友的天台屋，惟早前收到屋宇署的通知，指建築物屬僭建，該署同時發出清拆令，勒令他們盡快遷出，蕭叔雖然已獲房屋署恩恤編配公屋，惜他無力負擔一筆搬遷費，顯得憂心忡忡。
「𠵱家房屋署配咗一個細單位畀我，但我何來錢交上期、按金吖？另外，接駁水、電、煤又要額外畀錢，加加埋埋要幾千蚊，諗起都心煩。」眉頭深鎖的蕭叔說。
五十九歲的蕭叔，年輕時當過小販，其後轉任管理員，總算三餐不愁；及至九八年，蕭叔遭公司裁員，之後便一直找不到工作，現時每月靠一千六百零五元綜援金維持生活。「唔係我唔想做，而係冇人肯請，呢幾年我實在一份工都搵唔到。」
由於綜援金金額有限，蕭叔平日難有分毫積蓄。「呢幾年生活係點，你睇我屋企就知，煮食爐都冇，要飲生水同沖凍水涼，另外，我瞓緊張床幾乎塌落嚟都冇錢買過新，好無奈。」
由於蕭叔未滿六十歲，根據社署綜援條例，他不會獲發搬遷津貼，舉目無親的他，早前透過基督教家庭服務中心社工向本報求助。蘋果日報慈善基金了解過蕭叔的實際需要，已撥款四千五百元，助他應付新屋的上期、按金及各項搬遷開支。
捐款編號：C1470
暖流熱線
電話：29908688
傳真：23702192
電郵：
網址：