民政事務局局長何志平噚日出席個環保頒獎禮，佢同記者講，聽晚就會飛去希臘雅典，睇奧運開幕禮，有人即刻話，雅典𠵱家嘅保安好大陣仗，都係怕成為恐怖襲擊嘅目標，問佢驚唔驚？佢就笑笑口，有啲無奈咁話：「都要去㗎啦。」跟住重好愛國咁話，希望國家隊獲得空前勝利喎。
計八方話，何局長都唔驚得咁多，至少雅典有咁多警察同特種部隊喺度昅實，不如佢擔心吓呢排香港人去游水，冇救生員睇實好過啦。
（圖）當被問到怕唔怕去雅典睇奧運會遇到恐怖襲擊，何志平（左二）有啲無奈咁笑笑口話「都要去㗎啦。」
傳真︰2623-9278
電郵︰