一向樂善好施，今年初豪捐一億打救浸會大學嘅南太電子創辦人顧明均（圖），喺會考放榜前夕再做善事，捐出八十五萬元畀香港紅十字會屬下嘅甘迺迪中心，幫助一班身體弱能嘅會考學生，等佢哋有機會升讀中六。對於唔少人嚟講，八十五萬可能唔喺乜嘢大數目，但呢筆錢足以令到經已停辦一年嘅嚴重弱能學生預科課程重見天日。
甘迺迪中心喺○一年曾經向教統局成功爭取開辦為期兩年嘅預科課程，當時有七個身體弱能學生就讀，六人最後考入大學，可惜呢個課程喺○三年因缺乏資金停辦，令往後嘅會考生要轉去主流學校讀預科，搞到佢哋好唔適應。
好彩今年有顧明均出手相助，考生終可原校直升。顧生話今次捐錢係因為覺得世界應本住有教無類嘅精神，唔應剝削身體弱能學生嘅學習機會。唔理聽日放榜結果如何，顧生呢種重視及提倡人人平等嘅精神，同甘迺迪同學不屈不撓嘅決心，都係值得全港十二萬會考生好好學習。
傳真︰2623-9278
電郵︰