邵蛇間電視廣播同美國Intelsat搞嗰檔收費電視──銀河衛視（exTV）開業唔夠一年，新聞多多。除咗上唔到客之餘，不斷有職員走人，就連行政總裁JimBlomfield亦話會離任。噚日銀衛證實咗呢個消息，話阿Jim係基於私人理由向董事局提出請辭，今年10月離職返回澳洲。屈指一算，Jim應該剛做夠一年，咁快走相信都係做得唔開心居多。
業內人士話，收費電視市場經營複雜，香港更受地理所限，要將服務傳送入屋，唔係好似外國咁裝隻碟就可以睇到，要配合網絡覆蓋，取得大廈管理公司?業主立案法團等批准，服務先可進入屋苑。唔係單靠一個人嘅力量就可以做到，成件事嘅發展都幾令人惋惜。𠵱家銀河董事局物色緊繼任人，喺未搵到前，就會由常務總裁陳錫年及財務總監李勤分擔行政總裁職務。
八方覺得，銀衛遷入去將軍澳電視城後未好過，唔知佢哋有無搵風水先生睇吓，或者電視城只係旺TVB，唔旺銀衛都未定。
傳真︰2623-9278
電郵︰