電盈同政府噚日第1次分賣貝沙灣得嚟嘅26億，特登搞咗個支票交收儀式，咁重要嘅時刻當然由雙方極高層嚟主持，碰啱唐英年放咗假，於是由馬時亨以署理財爺身份收票，造就咗呢張難得嘅圖片嘞──前電盈CFO同現任電盈副主席蘇澤光同台。不過除咗收票外，兩朝電盈重臣係冇兩句嘅，究竟係咩原因呢？唔通……係政府嫌收得少？
呢個項目，當年惹起軒然大波，十大地產商分唔到餅仔，一齊發難，公眾又覺得政府明益李澤楷，加上科網泡沫爆破、高科技項目結果冇人吼，正正係是非多多易受攻擊，八方都唔明政府同電盈做乜咁高調，又俾人多一次攻擊機會，靜雞雞過咗條數咪算囉，雖然你收番十七億幾，但人哋就諗住地價值七十幾億呢，政府蝕底咗呢。
（圖）馬時亨（右）去咗數碼港收支票，同蘇澤光（左）同台，不過就冇乜兩句。
傳真︰2623-9278
電郵︰