超人李嘉誠嘅長江實業，過去幾年都積極參與公益金籌款活動，亦順便為旗下樓盤或公司服務作宣傳。今年推出「長和33不盡為公益」，配合旗下「3香港」宣傳3G。本月十三至二十三日起，長江將以「您捐$3長江集團都捐$3」嘅配對捐款形式，令公益金嘅善款倍增。長江將於全線3香港嘅店舖、百佳超級市場、屈臣氏、豐澤、香港電燈客戶中心、長和系樓盤售樓處及屋苑設置捐款箱。
另外，若市民購買3手機、Vfone視像電話、循環儲值卡或攜機上台，長江亦會捐三十三蚊畀公益金，現有3客戶每次使用3G手機作視像電話，集團亦會捐出三元予公益金。長實副主席李澤鉅話，市民捐三萬、三十萬、甚至三百萬，長江都跟足。
（圖）（左起）李澤鉅、黎明同柯清輝一齊出席「長和33不盡為公益」嘅宣傳活動。程志遠攝
傳真︰2623-9278
電郵︰