【本報訊】民建聯主席馬力日前發現患上結腸癌，現正在內地接受治療。該黨前主席曾鈺成對馬力患重病感到內疚，因為他辭去主席後，要馬力急於上馬接任，並要出戰直選，馬力病了令他「好唔安樂」。參選九龍西的曾鈺成更表示：「就算民建聯輸晒，只要馬力無事就得啦！」
政協常委陳永棋則表示，不擔心馬力患癌，「腸癌唔係好可怕嘅事，好多患過嘅人重健在，重做緊嘢，馬力咁年輕會好快康復……腸癌唔係啲好難醫嘅病，最多成條直腸切咗。」
本身是醫生的港區全國人大代表鄔維庸更表示：「Cancer（癌症）已變咗係人生必經嘅病，你睇咁多人都生Cancer。」他說自己無資格醫馬力，但現今醫學昌明，只要及早察覺就可治愈，「癌症中，復原嘅人係多過死嘅人。你睇啲訃聞，好多人都活到九十歲，但你估佢哋全部都未生過癌咩？」
曾患腸癌的律政司司長梁愛詩透過新聞秘書表示，已慰問了馬力及與他分享抗癌經驗，相信對他有幫助。
另外，民建聯選舉總指揮葉國謙表示，馬力無法參加競選活動對宣傳有影響，他也不能代替馬力參加選舉論壇，民建聯會考慮有無需要更改宣傳品和口號。