噚日出版嘅日本雜誌《週刊Post》公開咗日本女星拍攝劇集嘅身價，菜菜子果然係日劇女王，拍一集日劇至少要收二十二萬港元以上，成為一眾女星之首，傳聞有電視台更不惜付出超過三十五萬港元，邀請菜菜子拍攝產後復出之作咁話。小泉今日子同中山美穗兩位阿姐亦唔嘢小，要請得郁佢哋拍劇，每一集至少要畀十七萬港元，而柴崎幸、竹內結子同仲間由紀惠一班後起之秀，亦穩袋十四萬港元一集。