民主可以用唔同嘅方法爭取，用歌聲唱出自由一樣冇問題。香港民主發展網絡喺今個月二十九號，會喺中環遮打道行人專用區舉辦一場「829自由夢音樂會2004」，呢場黃昏進行嘅音樂會，旨在透過歌聲，畀台上台下嘅市民，唱出對自由嘅渴求。大會重邀請咗天主教香港教區主教陳日君出席音樂會㖭。
民主發展網絡主席朱耀明牧師話，今次音樂會會有一班關心香港前景兼熱愛音樂嘅港人演唱，同大家分享對自由嘅感受；民網希望鼓勵市民把握公民權利，喺下個月十二號立法會選舉投票。音樂會之前重有展覽同遊戲攤位，適合一家大細一齊參加。
（圖）八月二十九號嘅自由夢音樂會，呼籲市民9.12積極投票。
區民傑攝
傳真︰2623-9278
電郵︰