過氣澳洲男歌手PeterAndre，雖然早排參加英國電視台森林真人騷《I'maCelebrity,GetMeOutofHere!》同巨胸名模佐敦（Jordan）搭上，令佢嘅歌唱事業有番少少起色，不過個勢亦唔係維持咗好耐。Peter為咗谷行嚟緊九月推出嘅新細碟，特登搵佐敦喺新MV度騷胸救亡，佐敦當然樂意奉陪啦！
已經去到談婚論嫁階段嘅Peter同佐敦，近日為咗宣傳Peter將會喺九月推出嘅最新單曲《LovedYouTheRightWay》，就拍咗一輯MV。可能Peter同佐敦一行出嚟就畀人一種好騎呢嘅感覺，所以導演索性將個MV整成黑白，懶有藝術feel咁。
講番個MV，Peter同佐敦為咗表達首歌裏一見鍾情嘅感覺，佢兩個不時煙韌晒幸福，當中不但有佐敦着比堅尼同Peter喺沙灘親熱嘅鏡頭，重有佢哋兩個喺床上卿卿我我嘅片段。對於一向露慣露熟嘅佐敦，今次攞正牌同男友親熱，呢份job當然係易過食生菜。