大陸派政協副主席丁光訓親身來港統戰，重攞本罕有嘅君王版聖經出嚟慈善拍賣，有人話底價只叫三萬大元，又真係唔貴。
八方問教會中人，會唔會競投，佢哋苦笑話，有錢就好抵，可惜𠵱家教會唔係咁富有。原來好似天主教咁，開支唔細，而收入主要來自教友捐獻，咁經濟唔好，自然捐少咗錢，最慘係教會以前可以依靠投資回報，近年息率差唔多等於零，真係怕坐食山崩，所以點敢亂使錢。佢哋最希望經濟好番，啲教友會疏爽啲啦。
又陳日君主教日前冇去中國教會聖經事工展，八方以為陳日君會以梵蒂岡正統代表身份，召見丁光訓，但陳主教遲吓會外出，不過未係返梵蒂岡見教宗述職。教廷規定，全球教區主教每五年要向羅馬述職，聽講要報告「撒旦」喺世界各地活動，以今時今日特區群魔亂舞，陳主教係時候要安排咯。
傳真︰2623-9278
電郵︰