房祖名原本昨日要出席其處男電影《千機變II花都大戰》在北京舉行的記者會，但持外國護照的他到達機場時，因其簽證過期，而趕不及赴京出席記者會。祖名為方便日後工作，決定申請香港永久居民身份證。
成龍兒子房祖名、吳彥祖、陳柏霖、甄子丹和Twins等原定昨日到北京宣傳新片《千機變II花都大戰》，豈料大夥兒昨日乘早機到北京時，祖名才發現簽證已過期，結果不能跟大隊一起上機，英皇電影公司立刻找專人為他補辦新證，令他可改乘中午機到北京。
祖名因趕不及出席在北京舉行的《千》片記者會，事後只好在酒店房間接受傳媒訪問，他一臉尷尬地說：「今朝去到機場我先知簽證過期，我係揸外國護照，所以簽證要逐次申請，好彩喺機場可以即刻補到，不過當大隊上機後，我真係有啲彷徨，因為幫演出嘅第一部戲做宣傳，我就差啲嚟唔到，我怕人哋以為我冇禮貌。」
為了方便進出內地，祖名決定申請香港永久居民身份證，他說：「有香港身份證就可以申請回鄉卡，咁出入內地就方便得多。我返香港後會即刻去辦理手續，免得好似今次搞到咁尷尬，連記者會都去唔到。」
祖名的烏龍事，原來Twins都試過，鍾欣桐（阿嬌）說：「細個時，我試過同屋企人返內地，但過關時先知回鄉證過期，我重俾關員捉入房，搞咗一輪先走得。」而蔡卓妍（阿Sa）比阿嬌更烏龍，她說：「有次我去澳門做show，點知揸住回鄉證當身份證過關，身份證就唔記得帶。」
而Twins昨出席記者會時被認錯，阿嬌說：「司儀叫我蔡卓妍，我都唔知應唔應佢好，後尾叫番啱我個名，又讀錯音。」
此外，Twins前晚在九龍灣演出音樂會，阿嬌表演完後稱其風濕痛舊患復發，她說：「𠵱家加埋M（月經）到重辛苦。」
阿Sa聞言說：「我又係M到喎，我阿媽好叻，佢教我keep住食芥花籽油就唔痛。」其實芥花籽油是煮食用油，能紓緩經痛的應是月見草油，阿Sa被糾正後尷尬地說：「月見草油先啱呀，我重懶醒教朋友㖭。」
