噚日有一個叫做「關注民間訴求」嘅論壇，港九新界及社會福利界嘅立法會候選人都有蒲頭。選舉在即，候選人點都要為自己做吓勢，八方原本以為佢哋會用民生嚟借題發揮互插一餐，點知班候選人竟然鬼咁「和睦」，個個都拍晒心口話將來會喺立法會替弱勢社群出頭，又異口同聲話啲公營交通機構成日唔肯減價，重話政府成日都削弱勢社群資源唔啱！
若然○七直選都咁有共識，香港就唔會俾曾慶紅夾埋口水蕭玩殘。班聽眾聽完都話覺得好耐冇聽過啲近乎虛偽嘅溫暖說話。溫暖過頭，未必催人熱淚，而係令人瞌眼瞓。在場旁聽，本來話係嚟傍住街工新丁尹兆堅嘅街工創辦人梁耀忠竟然瞌埋眼，舒服到差啲搵咗周公拉票㖭。
（圖）梁耀忠原本嚟論壇傍住新丁尹兆堅，點知聽聽吓論壇瞌埋咗眼閉目養神。
傳真︰2623-9278
電郵︰