今屆立法會最多人出選嘅功能組別係會計界，共有九個人參選，可見呢個界別真係「人才」眾多，不過，冇一個得到剛卸任嘅議員李家祥支持。
八方問李家祥發生乜嘢事，因為當初佢講過支持陳茂波，佢笑笑口咁話，都係保持「中立」好，候選人當中唔少都識咗好耐，無謂「順得哥情失嫂意」。咁婆媽嘅性格，難怪李家祥咁多年政績咁有限。
至於出咗九個人咁多，正好證明會計師政治野心家唔少，佢亦唔排除當中有啲新丁係藉此機會上位打知名度，為拉生意鋪路。而今次會計界可謂老中青出齊，陳普芬八十出頭都有興趣玩，精神可嘉。有人話李家祥急流勇退，又有人話佢知難而退，會計界班數佬雖然面懵懵，好有獨立意見，李家祥舊年喺23條嘅取向受到不少壓力，就可見啲專業人士唔會畀你蒙混過關。
傳真︰2623-9278
電郵︰