【本報訊】炎炎夏日是背心、熱褲和涼鞋出動的日子，不想醜怪的指甲破壞一身清涼打扮，可向近期大行其道的美甲店求助；經修護後手甲、腳甲可變得整齊光潔，更可選擇色彩繽紛、閃亮生輝的花樣設計，甚至搞個「足部護理派對」，難怪美甲店的生意額在夏天大幅上升，較其他季節高近兩倍。 記者：張嘉雯
美甲專門店TenPerfectNails尖沙嘴及中環店的總經理黃詠莊表示，近年女性的消費力增加，對美甲服務的需求大幅增加，每年聖誕、新年和夏天都是生意高峯期，造就美甲專門店愈開愈多，「佢哋花得起，如果你減肥、美容樣樣都搞，周身刀，啲客會覺得你唔夠專業。」該公司並可為客人安排私人宴會及足部護理派對，例如準新娘的姊妹聚會，一面吃喝談天，一面扮靚，「有一至兩成客係由準備做新娘開始嚟做，修甲、護手，慢慢變成熟客。」
TenPerfectNails以環境及產品多樣化為賣點，顧客可以在專用房間的按摩椅內接受服務，不另收費，客人平均每次消費二百至一千元，「我哋唔會淨係用同一品牌嘅產品，好多女仔嘅心理就係咁，用開嘅洗頭水無問題呢，都會想試吓新嘢，有新鮮感，所以我哋每三、四個月就會換新產品。」她又介紹：「做啫喱甲（光療樹脂甲）就好似箍牙咁，可以幫指甲矯形，彎曲變黃同凹凸不平嘅指甲，只要每兩個禮拜一次，三次就會見效，可以強化指甲。」
在本港已開設五家分店的NailNail則以推陳出新的美甲藝術吸引顧客，例如水染、半日式修甲、漸變式修甲等。該店母公司敦耀有限公司巿場拓展經理謝美兒指出，今年正值結婚好年，新娘顧客大幅增加，「因為即使平日好慳嘅女仔，都會肯花錢做一次甲，希望結婚當日可以有喜出望外嘅效果，會畫花或者鑲石咁。」
該公司在新界區商場內開設NailNailCorner，提供較相宜的服務，又成立了全亞洲首家地鐵站美甲店，「可以方便啲比較忙嘅客人，我哋特別安排佢哋朝早嚟修甲，晏晝嚟上油（塗甲油），慳番啲時間。」除了NailNailCorner外，Touches同樣是以專櫃形式經營，該公司負責人杜太解釋，該店提供便捷的修甲服務，價錢較便宜。
