噚日有個靚女着晒草裙赤腳企喺旺角街頭，唔係model做宣傳，原來係非政府組織「消費者力量」搞咗個活動，叫做「原住民呼籲香港人﹕咪搞我地！」
其實原住民係指生活喺森林嘅原始落後部族，佢哋嘅生活同大自然環境、野生動物有好密切嘅關係。今次呢個活動係想講畀香港人知，我哋嘅消費模式對原住民好有影響，開發森林伐木、採金銅礦、開採天然氣……等等，都令到佢哋好難維持傳統嘅狩獵生活。
所以呢，城市人要愛錫大自然、野生動物，唔好只顧自己開心，而唔理呢個世界好多其他嘅人。消費者力量講明大家唔使捐錢，原住民只係想要番個屋企咋。
（圖）靚女喺旺角着晒草裙赤腳扮「原住民」，呼籲港人關心吓原始落後部族生活。
梁佩潔攝
傳真︰2623-9278
電郵︰