活到七十歲，普通嘅就可以叫做「耆英」，但身懷絕技嘅就可以係「奇英」──有奇能嘅耆英。大埔超級城噚日搵咗隊外地雜技團表演，其中一名嚟自澳洲嘅雜技員，好勇咁沿住一條鋼管爬到離地三十米處，然後將隻腳套喺皮圈上，跟住大字形咁攤大兩隻手，表演凌空倒掛。喺下面睇嘅觀眾都為佢抹一把汗，除咗因為高難度之外，重因為表演者已經七十歲喇！呢啲咪叫做寶刀未老。
呢位「奇英」雜技員又玩埋雜耍，拗晒腰咁用口銜匕首頂鐵球，贏得唔少掌聲；而老伯𠱁細路仔都好有一手，飛吓球拍，就令到小朋友乖乖企定跟佢學雜技喇。
傳真︰2623-9278
電郵︰