日本女星宮澤理惠前日聯同新戲《與父同在》嘅演員原田芳雄同埋導演黑木和雄，去咗日本廣島和平紀念公園嘅原爆資料室參加和平紀念活動，順便宣傳吓套戲。皆因《與》片嘅故事發生喺廣島原爆後三年，講述痛失父親同摯友嘅理惠如何去度過艱苦嘅歲月。理惠同觀眾打招呼時就話，希望藉住今次嘅活動，將戰爭嘅教訓傳畀下一代，等大家都唔好忘記呢一日。