官恩娜（Ella）、廖碧兒、胡杏兒、鄭嘉穎、周汶錡及黎諾懿等，昨日到黃埔出席一間健身中心的開幕日，由於他們乘坐開篷車到場，故吸引了大批市民圍觀及拍照，場面十分熱鬧。Ella自入行後減少了做gym，她說：「我𠵱家去做gym都一定會着T恤，因為我唔敢着得太過性感。」
Ella又表示已經成為健身中心的永久會員，而且還有私人教練，她續說：「我個教練係女仔，不過唔係我刻意揀。其實男同女都冇所謂，但我覺得好多男教練都幾靚仔同幾大隻。」
鄭嘉穎指近日正學習高爾夫球及泰拳，他笑說：「黎瑞恩佢哋嫌我打golf未夠班，唔受我玩。我前排去泰國睇完泰拳，覺得呢種運動都幾健康，所以想學。」此外，廖碧兒表示昨日是其助手最後一日照顧她，她說：「我好唔捨得佢，佢咁耐以嚟幫咗我好多。」