混血兒好似都特別靚特別矜貴，原來「混血雞」亦都一樣。千幾隻法國雞苗噚日終於坐飛機嚟咗香港，入口呢批雞苗嘅雞農李良驥話，法蘭西雞肉汁多，肉地又甜美，所以成本都唔平，比起內地雞苗貴幾倍，但係到出年六、七月真係推出市場時，就會以「至抵價」出售，估計比內地雞只係貴三成左右。
李良驥重話，今次入口嘅千幾隻雞苗，公又有乸又有，淨係公雞已經有兩種，一種條頸有毛，一種條頸就冇毛，兩種公雞遲吓都會同法蘭西母雞交配，而法蘭西母雞又會同本地嘅石岐雞配種，總之就「雜交」啦，睇吓混唔混得出新口味。佢重話，推出市場時會有試食大會，搵名嘴食家幫幫手做評判！
（圖）法國雞苗啱啱坐飛機嚟咗香港，遲吓會同石岐雞配種。
傳真︰2623-9278
電郵︰