Race好心解畫　Rosanne愈幫愈忙
2R好姊妹為Edison內訌

2R成員Rosanne曾與陳冠希（Edison）傳緋聞，最近Edison被指介入應采兒和男友的戀情中。昨日2R被問起此事，Race多次想為胞姊Rosanne解圍，但卻講多錯多，被Rosanne指她「愈幫愈忙」。

楊千嬅、2R和方力申昨日在尖沙嘴出席護膚品宣傳活動，並擔任護膚心得比賽評判，選出BiothermGirl和最甜美笑容獎，最後由YoYoChan奪得冠軍，而LiuYuenYi則奪「最甜美笑容獎」。

「邊個同你比賽喎！」
昨日2R的Rosanne被問及緋聞男友陳冠希與應采兒鬧緋聞，本來與記者談笑風生的她，突然變得嚴肅，更是「問一句答一句」，一副不願多談的態度，她說：「唔好問呢啲啦，我唔知。」在旁的妹妹Race本想幫口解圍，但卻愈幫愈忙，她說：「唔知？哦……我哋唔知，屋企冇買雜誌，要返公司先睇到。」
記者欲把Edison的緋聞內容告訴她們，Rosanne不悅地蹺起雙手向Race說：「你咁八卦去聽啦。」
Race即打算拉開話題，笑指某記者拍拖後漂亮不少，還透露跟胞姊鬥快減肥，不料Rosanne不領情地說：「我邊有減肥呀？邊個同你比賽喎﹗」其後Rosanne喃喃自語說：「愈幫愈忙。」

方力申聲帶受損
另外，方力申因扁桃腺發炎影響聲帶，遲遲未能為劇集《甜孫爺爺》（原名《家有一寶》）錄主題曲，令他悶悶不樂。
方力申說：「今朝我再去睇醫生，話我聲帶水腫，佢重問我係咪有壓力，但我又唔覺得，應該就唔關事。」問方力申心情低落會否屈出病來，他說：「𠵱家只係唔想出街，唔願運動啫，都冇乜問題，唔會屈病咁誇張嘅。」
採訪：王連連
攝影：仇志德