泡沫黨港進聯主席劉漢銓最後死死氣地宣布唔玩立法會，估計都係因為銓哥勝算極低，選嚟都嘥鬼氣，加上佢自己愛面子怕輸，所以最後決定唔選。
不過佢自己解釋嘅理由就講到好好聽喎，佢話：「因為冇適當組別出選，要保留實力、挑戰明天！」
睇到港進聯搞到今日變咗泡沫黨呢個田地，冇人肯讓路畀銓哥啲兄弟選，相信大家已經好清楚，銓哥究竟有幾多「實力」。但八方都想問問銓哥，港進聯重有冇明天呀？
銓哥今鋪重可以繼續死攬住泡沫黨主席個位唔放，因為冇咗飛天朱，都有番個曹宏威出嚟選新界東，釋除咗泡沫黨部份兄弟嘅不滿。威哥睇怕都係志在參與，人哋啲競選單張設計得好鬼靚，威哥嘅單張有如街邊學生仔叫人買舊書嘅傳單一樣咁頹，令人連伸手接嘅意欲都冇。
威哥咁早已經放棄，連單張都唔做好啲，恐怕政府庫房可以無端端多五皮嘅貢獻，紓解吓下年嘅財赤嘞。
傳真︰2623-9278
電郵︰