現年三十五歲嘅黑人影星韋史密夫（WillSmith），喺科幻動作片《智能叛變》入面原來唔止同啲機械人打到飛起咁簡單，佢重喺鏡頭前幾乎全裸咁晒肌肉。
有成一米八八咁高嘅韋哥，從影以嚟一直都好少演出裸露戲，所以當觀眾睇到佢喺《智能叛變》入面嘅出浴鏡頭後，即刻議論紛紛。原來韋哥拍呢場戲時，俾人知道咗小韋天生驚人，重俾口痕友喻為trousersnake，即係喺褲中嘅蛇，電影監製唔想小韋成影片焦點，所以叫韋哥喺拍裸露戲時要將小韋夾喺大髀下面，而為咗萬無一失，唔好令小韋唔聽話周圍fing，韋哥重要用膠紙將小韋黐到實一實㖭。
講到天生異稟，最近英國《太陽報》又出咗一個Hlist，當中嘅H即係指Huge，巨大嘅意思，入得呢個榜嘅，都係下體充滿「份量」嘅男星，例如有蜘蛛仔杜比麥奎爾（TobeyMaguire）、魔盜王尊尼狄普（JohnnyDepp）、成日喺戲中露何B仔嘅伊雲麥葵格（EwanMcGregor）等等，最衰入圍嘅都係影星，唔係出位嘅壞孩子歌手RobbieWilliams實有份！