鍾鎮濤（阿B）女友范姜日前誕下女兒，阿B昨日往醫院探望她們，他談到為女兒改名一事時說：「原來佢出世嗰日係觀音誕，𠵱家要睇下點夾埋時辰改，不過我哋叫住佢做鍾意先，因為望住佢真係覺得好鍾意，佢個嘴仔好靚，好似媽媽咁sexy。」
阿B又透露已為女兒取了英文名Blythe，他說：「係我同女友一齊改嘅，我想佢個名都有個B字，我女友又好鍾意呢個Blythe公仔。」
昨日帶同兒子嘉浚往醫院的阿B透露，大女兒嘉湄前晚在醫院留宿，他說：「佢好緊張個妹，話要睇住細妹唔走，個仔就要打機慶祝。」阿B計劃為小女兒擺百日酒，並表示范姜身體狀況良好，已開始餵母乳。而預產期在十月的徐濠縈昨日亦到醫院探望范姜，問她是否來取經？她默不作聲便上車離去。
採訪、攝影：卓寶花