慶祝乜周年物周年，唔一定要搞乜嘢盛大酒會，MLC萬誠保險公司慶祝喺香港成立十周年，噚日就全人類放假一天，八百幾個員工齊齊做義工，幫香港保護兒童會搞咗個同樂日，同五百幾個小朋友一齊參加小小奧運會，之後重帶佢哋去赤柱、香港大學同山頂旅行。
近排為咗拉票而飲少咗酒嘅發叔，噚日以保險代理登記委員會主席嘅身份出席活動，見到三十幾個小朋友精神奕奕、着晒整齊制服操入會場，拎住個「宜做義工、不宜返工」嘅日曆牌，就笑住話好似睇緊八一閱兵。可能發叔唔記得當日石崗唔少巿民熱到中晒暑幾咁辛苦，唔似得佢噚日有得歎冷氣咁開心。
（圖）保險公司特別為義工日整咗個日曆牌，又幾有心思。
傳真︰2623-9278
電郵︰