前任財政司司長梁錦松，噚晚同太太伏明霞結伴去紅館睇歌神許冠傑嘅演唱會，阿Sam八點鐘開場，不過梁錦松八點二十分先拖住太太好恩愛咁施施然到場。佢兩個見到記者，笑笑口任影，表現得都幾大方，不過記者問問題，佢哋就唔肯回應。
之前傳伏明霞有咗第二胎，阿松好快又再做老竇，噚晚八方見小伏步履輕盈，精神好好，身體好健康，佢孭住斜孭袋，身形望落又唔係咁似有咗BB。阿松同小伏喺紅館門口會咗七、八個朋友先至一齊入場，其中一個係亞視行政總裁陳永棋，因為成班記者沿途一路追住阿松同小伏影，其中有朋友取笑阿松話：「你今晚重紅過阿Sam！」
傳真︰2623-9278
電郵︰