荷李活筋肉人雲迪素（VinDiesel）主演嘅新片《天域戰士》雖然製作費相當高昂，不過喺北美嘅票房成績就認真麻麻，所以佢都要加緊去其他國家繼續宣傳，前日佢就同着得相當性感嘅女主角亞歷莎戴華露絲（AlexaDavalos）出席柏林嘅首映禮，現場所見有好多影迷想同雲迪素影相同攞簽名，不過唔知開畫嘅時候又係咪一樣有咁好反應呢？