男子組合Shine前晚獲邀跟美國花式籃球隊哈林打友誼賽，比哈林隊員矮一大截的黃又南與徐天佑平日亦有打籃球，故作賽時各入了一球。對於能跟哈林籃球隊比賽，二人均表示十分榮幸。
男子組合Shine、E-Kids、Sky、梁漢文、戴夢夢和美國花式籃球隊哈林（TheHarlemGlobetrotters）前晚在灣仔會展出席「哈林世界巡迴籃球隊──亞洲巡迴表演（香港區）」活動。哈林籃球隊的多名成員分成兩隊，Shine就加入其中一隊，雖然黃又南和徐天佑的出場時間不多，但都分別入了一球。
Shine的身高明顯比哈林籃球隊的成員矮了一截，天佑亦擔心比賽時會被戲弄。
他說：「我驚佢哋玩我哋，喺我哋頭頂傳波。不過我哋好榮幸可以同佢哋打波，因為佢哋好少同亞洲人打波，佢哋好nice。」Shine其後更獲哈林隊送贈球衣作紀念。
梁漢文被邀做明星對DJ隊比賽的開球嘉賓，結果兩隊打成平手。梁漢文自言曾是學校籃球隊成員和足球隊隊長，他說：「我當日係校隊成員時，迷倒唔少女仔，佢哋成日落場支持我，又寫情信畀我。」
至於戴夢夢前晚甫落場時即被新城DJ露芙攬着腰，後來不慎跌倒地上，令膝頭紅了一片，她說：「我有哮喘，打打吓波都有啲頭暈，我一直都有帶藥喺身邊，但都冇諗過唔打。」
採訪：駱華齡
攝影：林德雄
