孔慶翔（WilliamHung）、薛家燕、韓君婷、利嘉兒和恬妞等昨日在佛山拍攝新片，孔慶翔首次接拍港片，感覺新鮮，但他不習慣佛山的炎熱天氣，弄得大汗淋漓，韓君婷見狀即為他抹汗，而吳文忻則為他撥扇。
William說：「呢度天氣又真係幾熱，不過拍呢部戲有過百萬片酬，所以我都好開心，不過要慳啲使，因為我嘅大學學費都幾貴，將來畢業後，我想做番土木工程師。」
對於文雋早前公開指William拍完一部電影後應收山，William說：「我諗我唔會拍完一部戲就收山，我會繼續以自己特色拍戲。如果部戲劇情需要親熱鏡頭，我唔會有問題，但最緊要拍出嚟唔好俾人誤會我博人懵。」
採訪、攝影：曾小嘉