幾個名嘴風波愈搞愈大，終於都蓋過咗老廉搜櫃桶呢單野，最人心惶惶應該係商台裏面啲人，尤其係一手由蔡東豪引薦入去個啲。噚日八方去3香港同威震四方個活動，見到夜晚響商台主持「光明頂」嘅陶傑，咁梗係問佢驚唔驚要封咪啦！才子笑笑口，不過梗係唔怕喇，佢重有條後路叫MindWorks囉。
咁間公司有乜來頭呢？呢間公司個大股東，就係李超人好朋友周凱旋小姐，陶傑就係創作總監，公司主要從事漫畫出版（才子個本男女關係）、無線音信互動服務（即係IVRS）同埋3G多媒體內容──即係噚日新鮮推出，俾青少年參與3G手機內容，自拍自錄，表達夢想，人人互動參與，大把天才可以上位，八方睇晒四個頻道demo，確實好生鬼，難怪陶傑話「有咗呢個平台，人人都可以變小大班，香港點只得三支咪呀！」
（圖）陶傑（中）噚日出席MindWorks宣傳活動，右為3香港董事總經理李家慧，左為MindWorks董事總經理鄺穎萱。
傳真︰2623-9278
電郵︰