蔡卓妍（阿Sa）與陳柏霖在新片飾演情侶，陳柏霖更因偷窺阿Sa出浴而捱打。拍攝這場戲時，阿Sa為防走光，做足防備工夫，離開水池時房祖名更體貼地遞上披肩。
成龍兒子房祖名首度擔正，與Twins蔡卓妍和鍾欣桐（阿嬌）合演的新片《千機變II花都大戰》下周四上映，戲中阿Sa更有出浴鏡頭。
該場戲講述房祖名、陳柏霖和Twins為逃避敵人，躲進山洞，入夜後阿Sa浸浴，惹來陳柏霖注目，陳柏霖受不了阿Sa引誘，最後也跳入水池中嬉戲，怎料落水後，陳柏霖即被阿Sa揮拳狂毆。
阿Sa知道要拍攝落水戲，為防走光，穿了bratop再貼強力膠紙，並圍上大毛巾。每當完成一個鏡頭後，眾人立即圍着導演睇片，逐格查看阿Sa有沒有走光。
陳柏霖拍攝期間亦小心翼翼，以免觸及阿Sa，阿Sa說：「拍呢場戲要小心謹慎，原本我同一班工作人員都好熟，自然冇乜戒心，但係有一個臨時演員加入拍攝時，總覺得有啲怪異目光望住我，搞到我好唔舒服。果然有個鏡頭係我喺水池爬上嚟，個臨時演員突然撲向我，嚇到我大嗌，真係俾佢嚇死。」幸好房祖名即時上前遞上披肩，令阿Sa大為感動。
浸在浴池時間長更令阿Sa浸到皺皮，她說：「呢場戲一浸就十二個鐘，由天光浸到黃昏，我都幾乎浸暈咗，全身皮膚都皺晒，真係點用護膚品都補唔番，阿嬌就好啦，可以幸免。」
