蔣怡及黃浩然昨日往銅鑼灣出席Levi's全新概念店開幕活動，現場將二百多條牛仔褲鋪在地上，十分有特色。
蔣怡自言腿長四十四吋，買牛仔褲有難度，所以一看中心頭好即會打孖購買，家中有數十條牛仔褲珍藏，太多便會轉送給家中菲傭或捐往救世軍。
黃浩然則一派牛仔褲專家口脗自稱有六十多條牛仔褲珍藏，最貴一條是價值七千元的舊版Levi's，他說：「叫我再買條貴啲我都唔捨得㗎啦，只會得閒上網睇吓嗰啲萬萬聲美金嘅拍賣版牛仔褲。」
黃浩然又指愈霉的牛仔褲愈得他歡心，他說：「有一條牛仔褲我着咗兩年都未洗過，只會掛喺窗邊吹吓，起碼要再着多一年先會洗。」
採訪：DebbieLum 攝影：MatthewLam