八方噚日睇法庭文件，發覺有單錢債案，係中銀追一間叫WKP科技有限公司大約千四萬，債仔之一係呂明華。初時以為同名同姓，再睇睇地址，真係同立法會議員呂明華嘅辦公地址相同，於是馬上搵佢問個究竟。
呂明華話確有其事，不過中銀入稟前冇搵過佢傾。原來佢投資咗上述間公司，研製一種特別嘅紙，可惜產品尚未成功，已有周轉問題；身為股東，當然要做擔保人，於是就俾人追數，現在正諗緊辦法。佢強調，自己嘅財政全冇問題。
選舉期間，此類新聞分分鐘被人渲染，呂明華都係小心為上。
傳真︰2623-9278
電郵︰