每次選舉，各路候選人都好緊張公屋同居屋居民嘅票源，洗樓更加唔少得，皆因香港有成一半嘅人口，大約三百萬人住係政府樓。
當然房委會嘅光輝日子同歷史任務隨住香港嘅起落產生變化，轉捩點當然係舊年孫九招一出。咁啱今年係香港公營房屋五十年嘅大日子，半個世紀前，石硤尾一場大火令政府介入房屋事務，一直至今。
房委會為咗以示慶祝，請中大楊汝萬同王家英合編咗一本叫做「香港公營房屋五十年，金禧回顧與前瞻」嘅書本，請咗唔少專家同前房委成員好似張炳良佢哋寫文章，資料詳盡。
另外，喺沙田文化博物館嘅展覽會到九月尾，壓軸好戲會係十二月係喺青衣祥華邨山坡舉行嘅全港大壁畫齊齊畫嘅大型活動，壁畫設計比賽九月中先截止，大家重可以報名。
傳真︰2623-9278
電郵︰