其實好多西片在香港都會上映，但有一樣在香港肯定睇唔到，那便是當地觀眾在戲院內的即場反應。
《KingArthur》是歷史故事，以為會有千軍萬馬加大量特技場面，點知講多過動作，而在《LordoftheRings》之後，所有大型廝殺場面都顯得小兒科，年輕觀眾唔係太欣賞，有幾個瞓得幾香甜。
《I.Robot》擺明係科幻娛樂片，內容講述機械人對人類構成威脅，但實在好少見到咁多嘢講、咁需要自辯嘅機械人，小睡片刻前見到機械人在講嘢，瞓醒後見到機械人仍未講完，是一個機械人口水佬。
《BourneSupremacy》是一齣很期待的電影，因為喜歡第一集，也喜歡麥．迪文。第二集的製作更龐大，主角邦終日走嚟走去為自己洗脫罪名，邦聰明機智到咩咁，想捉佢嘅人懵到咩咁，但動作場面總算精采，麥．迪文表現亦出色，他總透露着一股像是岩石般堅定的氣息，我以後會繼續看他的電影。
最有趣的是看《Notebook》，雖然幕前幕後都沒有大名字，但是一齣很成功的女性催淚電影。男、女主角都出色，演繹有點像陳冠希與舒淇。導演相信是亞洲電影迷，《Notebook》中有《我的野蠻女友》、《假如愛有天意》及《心動》的影子。臨結尾時，女觀眾已喊得不顧儀態，放棄壓抑情緒，索性大哭一場，於是戲院內女的在哭，男的在笑。
《Notebook》是一齣ChickFlick，能夠跟那麼多Chick一起很ChickFlick，很享受。