估唔到Logitech玩咗咁多年滑鼠鍵盤，都仍有不斷加入新意思入產品度，由當年RF無線技術，到光學感應，甚至人體工學設計，都明顯睇到呢間瑞士名廠堅守地盤嘅作風。最新搞作更進一步，推出diNovoMediaDesktop鍵盤套裝，無線傳輸由RF介面（無線電）一轉為全球首度採用嘅藍芽，好處係30呎內均可接收無誤，比舊有RF更好用。
雖然一般人未必睇中佢個獨家12bit資料加密技術，不過單睇外形，已經畀個超華麗外表所吸引，加上將傳統鍵盤一分為二，右邊NumPad更美其名為MediaPad，專責播放多媒體、輸入數字等用途，重要附設一個屏幕顯示各種資料，甚至滑鼠無電都會提醒你要充電，十足十一個全能計數機咁搞鬼，就算Notebook用家喺屋企都啱用。不過觀其賣價，足以喺深水埗砌部黃金嘜PC喇，呢套鍵盤絕對係富貴級享受。
記者：徐影龍
蒙恬集團恒昌電子
銷售熱線：21111488