MPV外殼貨Van內櫳平治柴油巨無霸

時下MPV車熱潮未有減退迹象，但近日汽油價格高企，唔少用家意識到日常以大型MPV車代步，未能盡享汽車空間之餘，重有浪費資源又唔環保嘅弊病。新近引入香港的平治Vito車系，有一台好力又慳油的2.2公升直4柴油Turbo引擎作驅動，車價跟燃油費開支便宜一大截，加上擁有同廠Viano相若的豪華MPV車身，配合大容積尾廂，都可算係同級車中嘅巨無霸。

記者、攝影：陳偉林

Mercedes-BenzVito115CDI
趨時中控台

■新車改換上連中控台一體式設計及原廠5前速半自動波箱，增加車廂空間感。

■趨時的中控台鋪排，有齊高級CD音響，又有冷氣配備同獨立房燈開關。

■中控台下內置杯座及煙灰盅，好就手。

較其他MPV好力水
全車最教筆者欣賞，可會是一台配備中冷器（Intercooler）的2.2公升直4柴油Turbo引擎，其低轉高扭力輸出特性，唔單止啱晒身形龐大的Vito需要，而且重好切合香港時又停步又再開車的日常駕駛歷程，感覺上更較一眾採用汽油引擎的大型MPV車來得好力。再者，一套5前速半自動波箱，令引擎得以發揮得淋漓盡致外，Vito低地台骨架結構，匹配上主動式電子ESP系統，還有四輪高效能碟煞，ABS連BAS組合，充份突顯行車時平穩暢順的性能。

2排5座艙

■表板旁備有車燈開關，重有車燈角度調校同卡片匣編排。

■中控台頂置有大型儲物匣，觸手可及。

■一體式表板陳設，簡潔得嚟又易於閱讀。

■座艙跟尾廂之間加有隔板同茶色後窗組合，別具貴氣感。

■後排備有獨立頭枕及三點式安全帶外，左右雙趟門設計，上落方便。

客貨運兩者兼得
若然你日常鮮有用上第3排座席的話，這輛擁有兩排獨立五座位配搭的Vito會較適合，環顧車廂四周鋪排好講究，別有一份高級轎車氣息之餘，既有兩門電窗、門邊電鏡外，還有原廠電天窗同前後獨立房燈。其次，給分隔開的尾廂容量特大，好啱載運多件行李外，原車重備有冷氣、高級CD音響連雙安全氣袋組合，置身其中跟高級轎事感覺別無兩樣。

全車頂級位

■前後兩排座椅布置講究，坐得貼服舒適外，駕駛席另備座墊調校。

■車廂鋪排簡約又富貴氣，營造有一份高級轎車風範。

車身逐格睇

■屬低地台的特大尾廂容量出眾，四周鋪排講究，全沒半點貨車味。

■原廠電天窗附有遮陽簾設計，大可媲美同級MPV享受。

其他實用設備

■車尾兩旁大型直立式尾燈鋪排，與方匣形車尾好匹配。

■車尾頂置有High-mount煞車燈，有多一份安全感。

■同級車鮮有四輪高透氣制動系統配搭，還備有主動式ESP組合。

■正上方車頂備有獨立房燈外，還有太陽眼鏡匣。

■特大首飾箱配搭，內置照明外重有靠邊的杯座組合。

跟同廠Viano外殼相若
新車另一個焦點所在可會是Vito擁有跟同廠Viano相若的外殼，予人有同等豪華MPV車的體會之餘，代理商更在密封的後窗四周加置膠邊環抱，遠看去恍如一輛裝有茶色後玻璃的MPV車呢！再者，左右雙趟門匹配低地台組合，重帶出有上落方便的好處。

■平治Vito車系共有三款車身尺碼，惟輸港屬中size，尺碼適中操控靈活。

Mercedes-Benz
Vito115CDIProfile
引擎：2148cc直4SOHC柴油Turbo
馬力：150ps/3800rpm
扭力：33.7kgm/1800-2400rpm
傳動：5前速半自動波，後輪驅動
懸掛：（前）麥花臣支柱（後）扭力連桿
制動：（前）透氣碟（後）碟式（ABS）
輪胎：195/65R16MichelinAgilis51
尺碼：4993×1901×1902mm
軸距：3200mm；車重：2165kg
0-100公里：11.1秒；極速：169km/h
平均耗油：8.6L/100km
追加設備：車身銀底油（$8,500）、原廠電天窗（$10,000）
車輛提供：仁孚行商用車部（28957248）

■採用柴油Turbo引擎及中冷器的Vito，廢氣排放量低兼且好力又慳油。

■最新平治Vito車系改用前置引擎後輪驅動布局，有更佳操控演繹。

其他MPV推介
日產Elgrand
點睇：用上同級至勁3.5公升V6引擎（馬力240匹），性能出眾乘坐又講究舒適，聽聞8月底將會有新版Elgrand登場，追加不少設備，車價約多3萬蚊。
車價：$447,000

豐田Alphard
點睇：用上一台3.0公升V6引擎（馬力220匹），勝在輸出平均又可靠，低地台骨架結構有利行車穩定性之餘，置身其中享受亦高。
車價：$449,000