任葆琳、胡敏珊和黃德如昨日往金鐘出席一化妝品活動，對於近日人氣旺盛的孔慶翔來港後再掀起旋風，任葆琳說：「我對佢感覺好複雜，一方面好欣賞佢肯嘗試嘅精神，另一方面又覺得佢toomuch，尤其係我自己都喺外國讀書大，父母成日教要記得自己中國人嘅身份，我覺得佢有啲disgrace（失禮）咗中國人，佢唔係以最受尊重嘅方式獲得人哋嘅尊重。不過佢都有佢可愛嘅地方，對住佢梗開心㗎，又唔怕佢花弗。」
胡敏珊則指William「好激、好好笑」，她說：「我代理嘅手表都想搵佢做代言人，佢一定戴乜都紅，但係又唔知用乜途徑搵佢，點知咁快佢就嚟咗香港。」黃德如亦大讚William，她說：「佢真係可以做到笑罵由人，係個有腦嘅小人物，有啲似周星馳電影中嘅角色。」
採訪：林妙萍
攝影：陳慧安