掟煲半年　公開徵求伴侶
奸佬湯初登場阿里拳頭侍候

由湯告魯斯（TomCruise）主演的新片《Collateral──同行殺機》，前日假洛杉磯舉行首映禮，當日有份出席的紅星多不勝數，更吸引了近千名影迷到場。今年一月宣布與西班牙女星彭妮露古絲（PenelopeCruz）分手的靚佬湯，更自言非常渴望戀愛，日前他接受訪問時還開出了擇偶條件，希望盡快結婚。

首次做殺手好評如潮
《同行殺機》是靚佬湯從影以來首次飾演殺手奸角的電影，外界對該片讚不絕口，前日他現身首映禮時便大受在場影迷歡迎。除了靚佬湯外，主角占美霍斯（JamieFoxx）及珍達娉琪（JadaPinkett）均盛裝赴會，而女歌手DianaRoss、女星雅麗茜亞蕭華史東（AliciaSilverstone）及前世界重量級拳王阿里等亦畀面出席，阿里更作狀向靚佬湯揮拳，場面熱鬧搞笑。
另一方面，靚佬湯日前接受訪問時表示，他雖然經歷過兩段失敗婚姻，但仍希望找到合適伴侶，靚佬湯還開出擇偶條件：「她必須要風趣及有冒險精神，我喜歡駕電單車及飛機，希望她同樣享受我喜歡做的事情。」

妮歌禁音樂人助前夫
此外，有消息指靚佬湯原本想邀請他極為欣賞的音樂人CraigArmstrong為《同行殺機》配樂，不過由於Craig目前正忙於為妮歌潔曼（NicoleKidman）即將面世的Chanel廣告配樂，據悉妮歌向Craig施加壓力，禁止他為前夫靚佬湯工作，令靚佬湯甚為冇癮。