自從香港選舉愈嚟左右陣營壁壘分明，差不多次次都有人投訴有人請選民飲飲食食，有賄選之嫌，可惜成日冇人肯挺身而出指證有關人等，胡官佢哋冇從跟進。
好似早前出戰新東嘅劉慧卿同八方講，佢收到個電郵，有位正義朋友向佢投訴，話連續呢幾個周末，都有中資機構舉辦假日活動，安排啲員工返去廣東較偏僻嘅地方遊玩，請飲請食之後，就提大家記得九月投民建聯一票，呢位正義朋友當然好不恥咁嘅行為，於是向卿姐反映，認為可能違規。
卿姐都好想跟進，但有困難，八方亦問過選委會，佢哋好清楚講明，就算入到內地不毛之地，做出呢種涉及賄選嘅行為都唔啱，但係冇多啲資料，要查較困難。
另外，余若薇亦投訴，有不明來歷嘅人，向佢啲義工查根問底，唔知想點，已經叫啲義工唔好睬佢，大狀都厲害，到目前為止，已搵到百幾二百個義工幫手。
（圖）卿姐最近收到賄選投訴，不過冇人挺身指證。
傳真︰2623-9278
電郵︰