一向熱衷中華文化嘅滙豐大班龐約翰，不但入住祖國嘅四合院，體會養蛐蛐玩雀仔嘅樂趣，原來SirJohn對中文成語亦有好深造詣，噚日有記者問及龐大班何時退休，他即時引用一句中國古語，即出自曹操嘅名句「老驥伏櫪，志在千里」（theoldhorseinthestablestillwantstorun），似乎暗示自己會繼續領導呢間大機構。
不過，龐大班又話滙豐係一間國際化金融機構，深信每一代嘅接棒人，都會較其前任更加出色。佢又謙遜咁話，自己嘅接班人一定會比起佢更叻。
行將入股交通銀行嘅滙豐，據聞本周五喺人民大會堂簽訂入股協議，屆時龐大班會親自出馬，中方有國務院副總理黃菊、財政部部長金人慶等領導人出席，認真賓虛咁嘅陣容。
傳真︰2623-9278
電郵︰