古巨基早前與胡定欣拍攝新歌《愛與誠》ＭＶ，二人要與一隻黑狗玩耍，豈料黑狗不理基仔，只喜歡纏着胡定欣，動作多多又搶盡風頭，淪為配角的基仔笑指好男不會與狗鬥。
古巨基以漫畫為主題的概念大碟《大雄》前日推出，他早前為新歌《愛與誠》拍攝ＭＶ，找來胡定欣擔任女主角。ＭＶ內容講述一對情侶濃情轉淡，基仔飾演住家男人，閒時會煮飯討女友歡心，又照顧寵物甚有愛心。
基仔表示平時工作忙碌，沒空在家煮食，連即食麵都不會煮，故導演不想浪費時間讓基仔熟悉廚房情況，情願拍多些基仔與女角在玩狗的鏡頭，誰知黑狗重女輕男，胡定欣雖覺得黑狗看來兇惡，不敢靠近，但黑狗卻愛纏她。
基仔說：「隻黑狗叫Burger，都幾得意，不過我同親佢玩，佢都唔多理我，請我食檸檬呀，激死！反而胡定欣唔理佢，佢就係要跟住人，又用條脷舔佢腳趾。」
基仔謂黑狗動作多多，搶盡風頭，拍攝時已儼然成為主角，基仔慘變配角，他笑說：「算啦，好男不與狗鬥。」惹得全場大笑。
此外，基仔早前應卡拉ＯＫNeway邀請為夏日Ｋ計劃擔任歌唱班大使，他探訪學生時，被問到唱歌技巧，他都用心回答，又欣賞學生即席表演，基仔說：「佢哋好多係第一次喺幾十人面前表演，但係都好淡定，有潛質又有表演慾，我第一次表演時就冇佢哋咁鎮定。」
有歌唱班學生問基仔表演時要準備甚麼？他說：「紙巾囉，係人都知我係樂壇水怪，手汗多到你唔信。」
